काठमाडौं । चितवन, झापा र रुपन्देहीका ५७ भूमिहीन दलित, भूमिहीन सुकुम्बासी तथा अव्यवस्थित बसोबासी परिवारले जग्गाधनी पुर्जा (लालपुर्जा) प्राप्त गरेका छन्।
विभिन्न स्थानीय तहका भूमिहीन तथा अव्यवस्थित बसोबासी परिवारलाई जग्गाधनी पुर्जा वितरण गरिएको हो। चितवन, झापा र रुपन्देहीका गरी कुल ५७ परिवारले लालपुर्जा प्राप्त गरेका छन्।
चितवनको इच्छाकामना गाउँपालिका–७ का ३२ भूमिहीन सुकुम्बासी र एक भूमिहीन दलित परिवारले लालपुर्जा पाएका छन्। त्यस्तै, झापाको अर्जुनधारा नगरपालिका–११ का सात अव्यवस्थित बसोबासी परिवारलाई जग्गाधनी पुर्जा वितरण गरिएको छ।
यसैगरी, रुपन्देहीको गैडहवा गाउँपालिका–८ र ९ का १४ भूमिहीन दलित तथा दुई भूमिहीन सुकुम्बासी परिवारले लालपुर्जा प्राप्त गरेका छन्।
तीन जिल्लामा लालपुर्जा प्राप्त गर्ने परिवारमध्ये चितवनका ३३, झापाका सात र रुपन्देहीका १६ परिवार रहेका छन्। यससँगै भूमिहीन तथा अव्यवस्थित बसोबासी परिवारले आफ्नो जग्गाको स्वामित्वसम्बन्धी प्रमाण प्राप्त गरेका छन्।
