काठमाडौं । सरकारले संघीय मन्त्रालयहरूको संरचना पुनर्संयोजन गर्दै मन्त्रालय संख्या घटाउने निर्णय गरेको छ ।
बुधबार सिंहदरबारस्थित प्रधानमन्त्री तथा मन्त्रिपरिषद्को कार्यालयमा बसेको मन्त्रिपरिषद् बैठकले मन्त्रालय संख्या १७ मा झार्ने निर्णय गरेको हो ।
यस निर्णयअनुसार अब प्रधानमन्त्री तथा मन्त्रिपरिषद्को कार्यालयसहित कुल १८ संरचना रहनेछन् । यसअघि सरकारमा २१ वटा मन्त्रालय कायम रहेका थिए ।
सरकारले प्रशासनिक खर्च घटाउने र संरचना चुस्त–दुरुस्त बनाउने उद्देश्यसहित मन्त्रालय पुनर्संरचना गरेको बताइएको छ ।
13 May 2026
