एसइई परीक्षा चैत १० गते देखि, तालिका सार्वजनिक
मंसिर १४, २०७५ । राष्ट्रिय परीक्षा बोर्डले यस वर्षको एसइई परीक्षा आगामी चैत १० गतेदेखि सञ्चालन गर्ने भएको छ। बोर्डले आज एसइई परीक्षाको तालिका सार्वजनिक गर्दै आगामी चैत १० गते आइतबार शुरु हुने परीक्षा २१ गते बिहीबारसम्म सञ्चालन हुने जानकारी दिएको हो।
बिहान ८ बजेदेखि ११ बजेसम्म सञ्चालन हुने परीक्षाकाे पहिलाे दिन अर्थात चैत १० गते अनिवार्य अङ्ग्रेजी, ११ गते अनिवार्य नेपाली, १३ गते अनिवार्य गणित, १४ गते अनिवार्य विज्ञान, १५ गते अनिवार्य सामाजिक, १६ गते अनिवार्य स्वास्थ्य, जनसङ्ख्या तथा वातावरण शिक्षा, १७ गते ऐच्छिक प्रथमपत्र,१८ गते ऐच्छिक द्वितीयपत्रका सबै विषय, १९, २० र २१ गते प्राविधिकतर्फका बाँकी विषयको परीक्षा सञ्चालन हुने बोर्डले जानकारी दिएकाे छ।
