कैद माफीविरुद्ध शान्ति समाजको राष्ट्रपति कार्यालय अगाडि प्रदर्शन
असोज २२, २०८० । कैद माफीविरुद्ध राष्ट्रपति कार्यालय शितल निवास अगाडि विरोध प्रदर्शनमा उत्रिएका मानव अधिकार तथा शान्ति समाजका ११ जनालाई प्रहरीले गिरफ्तार गरेको छ ।
राष्ट्रपतिले सजाय माफी गर्न सक्ने अधिकारको दुरुपयोग गर्दै, संभावित आर्थिक चलखेलबारे गहिरो छानविनको माग गर्दै प्रर्दशनमा उत्रिएका शान्ति समाजका संस्थापक सभापति कृष्ण पहाडी, सभापति रामकृष्ण बराल, सल्लाहकार उत्तम पुडासैनी, महासचिव रेनुका पौडेललगायत ११ जनालाई प्रहरीले गिरफ्तार गरेको हो । उनीहरुलाई प्रहरी वृत्त महाराजगञ्जमामा राखिएको छ ।
निशेधित क्षेत्र तोडेकाले नियन्त्रणमा लिइएको प्रहरीले जनाएको छ । शान्ति समाजले कुशासन र दण्डहीनता विरुद्ध केन्द्रीत रहि असोज २१ गते देखि देशव्यापी अभियान प्रारम्भ गरेको जनाएको छ ।
यस क्रममा शान्ति समाजका पाल्पा, चितवन, दाङ, महोत्तरी, नवलपुर, शाखाले असोज २१ गते दाङ र सुर्खेत शाखाले २२ गते जिल्ला प्रशासन कार्यालय अगाडि आधा घण्टा प्रदर्शन गर्नुका साथै प्रधानमन्त्रीलाई लेखिएको १० बुँदे ज्ञापनपत्र, प्रमुख जिल्ला अधिकारीलाई हस्तान्तरण गरेको समाजले जनाएको छ ।
