मधेस प्रदेशको स्वास्थ्य अवस्था चिन्ताजनक : स्वास्थ्यमन्त्री सिंह
साउन ६, २०८० । मधेश प्रदेशका स्वास्थ्य तथा जनसंख्यामन्त्री बीरेन्द्र कुमार सिंहले मधेश प्रदेश स्वास्थ्य क्षेत्रमा हालसम्म पछाडि रहेको भन्दै चिन्ता व्यक्त गरेका छन् ।
शनिबार जनकपुरधामको नवजीवन हस्पिटल प्राईभेट लिमिटेडमा क्यान्सर रोगको उपचारको शुभारम्भ गर्दै स्वास्थ्यमन्त्री सिंहले नेपालको स्वास्थ्य क्षेत्रमा मधेश प्रदेशका अधिकांश विज्ञ र बरिष्ठ चिकित्सकहरु देश भरिका नीजि तथा सरकारी अस्पतालमा उच्च पदमा रहि सेवा दिंदै आएतापनि मधेश प्रदेशको भने स्वास्थ्य अवस्था सुधार नहुनु ठुलो बिडम्बना रहेको बताएका हुन् ।
उनले मन्त्रालयलेसम्पूर्ण विज्ञ तथा सरोकारवाला चिकित्सकहरुको भेला गरि प्रदेशको स्वास्थ्य अवस्थाबारे छलफल गरि ठोस कदम चाल्ने प्रतिवद्धता जनाए ।
स्वास्थ्यमन्त्री सिंहले मधेश प्रदेशका जिल्लाहरुमा गुणस्तरहिन अस्पतालहरु किराना पसलझै खुलेकोले अब मन्त्रालयले विभिन्न सरोकारवला निकायहरुसंग समन्वय गरि सम्पूर्ण अस्पताहरुको अनुगमण गर्ने योजना बनाएको बताए । उनले अनुगमण गर्दा कुनै पनि अस्पतला मापदण्ड विपरीत वा मापदण्ड पूरा नभई सञ्चालन गरेको पाइए सोझै कारवाही गर्ने चेतावनी समेत दिए ।
