प्रदेश ७ को नाम सुदूरपश्चिम र राजधानी गोदावरी राख्न सिफारिस
असोज ९, २०७५ । प्रदेश नम्बर ७ को नाम ‘सुदूरपश्चिम’ राख्न सिफारिस गरिएको छ ।
राजधानी र नामांकनका लागि गठित संसदीय विशेष सुझाव समितिले आफ्नो प्रतिवेदन प्रदेशसभामा पेस गरेको हो ।
समितिले प्रदेश सभामा पेस गरेको प्रतिवेदनमा प्रदेश ७ को राजधानी कैलालीको गोदावरी नगरपालिका ४ लाई तोक्न सिफारिस गरेको छ ।
प्रदेशसभा ७ ले प्रदेशको नाम र राजधानी तोक्न नेकपाका सांसद तारा तामाङ लामाको अध्यक्षतामा ५ सदस्यीय समिति गठन गरेको थियो ।
