नवलपरासीमा बस दुर्घना हुँदा २५ जना घाइते,चारको अवस्था गम्भीर
कात्तिक २६, २०७५ । नवलपरासीमा आज विहान बस दुर्घना हुँदा २५ जना घाइते भएका छन । घाइते मध्ये चारजनाको अवस्था गम्भीर रहेको प्रहरीले जनाएको छ ।
पुर्व–पश्चिम राजमार्ग अन्तर्गत गैडाकोट नगरपालिका–१४ अमरापुरीमा दाङ्गबाट काठमाडौका लागि छुटेको ना ६ ख ३९७३ नम्वरको बस विहान करिव २ बजेको समयमा अनियन्त्रित भएर दुर्घटना भएको हो ।
जिल्ला प्रहरी कार्यालय नवलपरासी पूर्वका प्रहरी उपरीक्षक रमेश थापाका अनुसार दुर्घटनामा परी दाङ्गको घोराही नगरपालिका–१५ का २८ बर्षिय होमबहादुर पोखरेल, सोही जिल्ला शान्तिनगर गाउँपालिका–१ का एक बर्षिय वालक यनुष बिक , तुल्सीपुरका २४ बर्षिया लक्ष्मी बस्नेत, दाङ्गकै थिलकपुर निवासी अन्दाजी ७० बर्षिया गंगी बिकको अवस्था गम्भीर रहेको जनाएको छ ।
उनका अनुसार घाइतेमध्ये १० जनाको अवस्था अवस्था सामान्य रहेको छ । घाइतेहरुको भरतपुरस्थित पुरानो र नयाँ मेडिकल कलेजमा उपचार भइरहेको छ ।
