जेठ २० गतेसम्म लकडाउन लम्ब्याउने सरकारको निर्णय
जेठ ४, २०७७ । जेठ २० गतेसम्म लकडाउन लम्ब्याउने सरकारले निर्णय गरेको छ ।
आईतबार बसेको मन्त्रिपरिषद् बैठकले जेठ २० अर्थात जून २ तारिकसम्म लकडाउन लम्ब्याउने निर्णय गरेको हो ।
यसअघि कोरोना संक्रमण रोकथामका लागि सरकारले चैत ११ गतेदेखि जारी गरेको लकडाउन अवधि भोलि ५ गते सकिँदै थियो ।
आज (आईतबार) नै कोभिड-१९ रोकथाम तथा नियन्त्रण उच्च स्तरीय समितिले लकडाउन बढाउँदै थप कडाइ गर्न सरकारलाई सिफारिस गरेको थियो ।