नागरिकता विधेयक पारित भए पनि समस्या उस्तै : अध्यक्ष ठाकुर
असोज ३, २०८० । महन्थ ठाकुर नेतृत्वको लोकतान्त्रिक समाजवादी पार्टी (लोसपा) ले संविधान दिवसको विरोध गरेको छ । बुधबार काठमाडौंमा कार्यक्रम गर्दै लोसपाले संविधान दिवसको विरोध गरेको हो ।
उक्त कार्यक्रममा बोल्दै लोकतान्त्रिक समाजवादी पार्टीका अध्यक्ष महन्थ ठाकुरले सरकारले नागरिकता विधेयक पास गरे पनि बिना पैसाको केही पनि काम नहुने बताएका छन् ।
उनले भने ‘नागरिकता विधेयक कहिले राष्ट्रपतिबाट रोक्ने, कहिले के गर्ने कार्यहरु भए । बल्ल बल्ल पारित भयो । सबैले त हैन कोही कोहीले नागरिकता पाइरहेका छन् तर दुःखको कुरा के छ भने बिना पैसा पाइरहेका छैनन् । भ्रष्टाचार कयौं गुणा हरेक क्षेत्रमा प्रष्ट देखिएको छ ।’
देशको हरेक क्षेत्रमा भ्रष्टाचार प्रष्टै रुपमा देखा परेको बताए । महँगी बढेको र यसलाई नियन्त्रण गर्न सरकारले कुनै चासो नदेखाएको उनको भनाई छ ।
