मुलुकमा शिक्षा र स्वास्थ्यको चरम व्यापारिकरण भईरहेको छ : अध्यक्ष नेपाल
साउन १४, २०८० । एकिकृत समाजवादीका अध्यक्ष माधव कुमार नेपालले मुलुकमा शिक्षा र स्वास्थ्यको व्यापारिकरण भईरहेको बताएका छन् ।
आईतबार काठमाडौंमा आयोजित नेपालको ट्रेड युनियन आन्दोलनको उपलब्धी र चुनौतीहरु नामक पूस्तक विमोचन कार्यक्रममा उनले शिक्षा मुनाफा कमाउने माध्यमको रुपमा विकास भएको भन्दै असन्तुष्टि पोखे ।
जसरी शिक्षा र स्वास्थ्यको व्यापारिकरण भईरहेको छ । मुनाफा कमाउने माध्यमको रुपमा प्रयोग गरिएको छ । समाजवादी मुलुकको बारेमा त कुरै नगरौं अन्य पुँजीवादी देशहरुमा जस्तो शिक्षाको अधिकार प्राप्त गरेका छन् । त्यो अधिकारबाट पनि बञ्चित हुने अवस्था नेपालमा छ, उनले भने ।
उनले देश भित्रको आन्दोलनमा जसको भुमिका र विषेश छाप छोड्न सक्दैन उसले आफ्नो छुट्टै पहिचान निमार्ण गर्न नसक्ने बताए । आफ्नो पार्टीले शिक्षा प्रणलीमा आमुल परिवर्तन गर्ने प्रयत्न गरिरहेको उनको भनाई छ ।
