स्मृति दिवस मनाउँन प्रधानमन्त्री दाहाल दोरम्बामा
साउन ३२, २०८० । प्रधानमन्त्री पुष्पकमल दाहाल प्रचण्ड आज रामेछापको दोरम्बा गएका छन्।
दोरम्बा स्मृति दिवस र पार्टीका अन्य गतिविधिमा सरिक हुन दाहाल रामेछाप गएको उनको सचिवालयले जनाएको छ ।
तत्कालीन सरकार र नेकपा (माओवादी) बीच २०६० सालमा दोस्रो युद्धविराम भएको थियो।
दोस्रो युद्धविरामकै समयमा साउन ३२ गते रामेछापको दोरम्बामा तत्कालीन नेपाली सेनाले २१ जना माओवादी छापामारहरूको हत्या गरेको थियो। सोहि दिनको सम्झनामा नेकपा माओवादीले दोरम्बा स्मृति दिवस मनाउँदै आइरहेको छ।
प्रधानमन्त्री दाहालले दोरम्बामा आयोजित कार्यक्रमलाई सम्बोधन गरेर जिल्लाका अन्य राजनीतिक गतिविधिमा पनि सरिक हुने बताइएको छ ।
