पार्टी भन्दा व्यक्ति बलियो बनाउन खोजियो : राधा घले
साउन ३, २०८० । नेपाली कांग्रेसकी केन्द्रीय सदस्य राधा घलेले व्यक्ति–व्यक्ति बलियो हुन कांग्रेस रूपान्तरण अभियान चलाइएको आरोप लगाएकी छन् ।
बुधबारको केन्द्रीय समिति बैठकमा उनले रूपान्तरण अभियान पार्टीलाई बलियो बनाउनभन्दा पनि व्यक्ति बलियो बनाउन केन्द्रित रहेको आरोप लगाएकी हुन् ।
‘धेरै साथीहरू रूपान्तरण अभियानमा लाग्नुभएको छ । गाउँ–गाउँमा पुग्नुभएको छ। रुपान्तरणको पक्षमा हामी पनि छौं । रूपान्तरणको नाममा कांग्रेस बलियो बनाउन भन्दा पनि साथीहरू व्यक्ति–व्यक्ति बलियो बनाउन लाग्नुभएको हो कि भन्ने लागेको छ।’
पार्टी बलियो बनाए मात्रै सबै बलियो हुने उनको भनाई छ । उनले कांग्रेसरूपी ढुंगा प्वाल पर्दा सबै डुब्ने बताइन् ।
