टी-ट्वान्टीमा नेपालको ऐतिहासिक सफलता
माघ २०, २०७५ । नेपालले युएई विरूद्धको टी-ट्वान्टी अन्तर्राष्ट्रिय सिरिजमा २-१ को जितले ऐतिहासिक सफलता हात पारेको छ । वर्षाको कारणले १० ओभरमा छोट्याइएको खेलमा नेपालले युएईलाई दिएको १०५ रनको लक्ष्य दिएको थियो । युएईले निर्धारित १० ओभरमा ८ विकेट गुमाउँदै ९० रन मात्र बनाउन सक्यो ।
युएईलाई सस्तैमा समेट्न नेपालका करण केसी, अविनास बोहोरा र ललितसिंह राजवंशीले २-२ विकेट लिए । त्यस्तै सन्दीप लामिछाने र सोमपाल कामीले १-१ विकेट लिए। यो सँगै नेपालले पहिलोपटक टि ट्वान्टी सिरिजमा समेत आफ्नो कब्जा जमाए ।
