जनमत पार्टी दोस्रो पटक सरकारमा सहभागि हुँदै
साउन २९, २०८० । मंसिरमा भएको प्रदेश र प्रतिनिधिसभा निर्वाचनबाट उदाएको जनमत पार्टी पछिल्लो नौ महिनामा दोस्रो पटक सरकारमा सहभागि हुँदैछ ।
पुष्पकमल दाहाल नेतृत्व सरकारमा पुसमा सहभागि भएको जनमत पार्टी चैतमा बाहिरिएको थियो । आफुले खोजेको उद्योग मन्त्रालय नपाएपछि सरकारबाट बाहिरिएको जनमत चार पहिनापछि सरकारमा सहभागि हुने भएको हो ।
पार्टी नेत्री अनिता देवी साह आज दाहाल नेतृत्व सरकारमा सहभागि हुँदैछिन् । बिहान १० बजे साहले राष्ट्रपति कार्यालयमा आयोजना हुने विशेष समारोहकाबीच पद तथा गोपनियताको शपथ लिने छिन् । अनितालाई सरकारमा सहभागि गराउन माओवादी केन्द्रले पार्टी नेता अमनलाल मोदीलाई सरकारबाट फिर्ता बोलाएको छ ।
तत्कालिन खानेपानी मन्त्री अब्दुल खानले आफूले पाएको खानेपानी मन्त्रालय प्रति असन्तुष्टि जनाउदै २०७९ चैतमा राजिनामा गरेका थिए । मन्त्रीमण्डल पुनगर्ठनमा प्रधानमन्त्रीले उनलाई पुन खानेपानीमै राखे पछि जनमत असन्तुष्ट भएको थियो । त्यति बेला जनमतले उद्योग या कृषि मन्त्रालय मागेको थियो । प्रधानमन्त्रीले जनमतलाई सुरुमा मागेको मन्त्रालय दिने आश्वासन दिएका थिए तर राष्ट्रपति कार्यालयमा नाम पठाउदा जनमतलाई पुन खानेपानीमै राखेका थिए । त्यसपछि जनमत असन्तुष्ट बनेको थियो ।
