जनमत पार्टी केन्द्रीय समितिको बैठकले सरकारमा सहभागिताबारे निर्णय गर्ने
साउन १८, २०८० । जनमत पार्टीका अध्यक्ष सिके राउतले आजदेखि सुरु भएको केन्द्रीय समिति बैठकले सरकारमा सहभागि हुने वा नहुनेबारे ठोस निर्णय गर्ने बताएका छन् ।
बिहीबार पत्रकारसंग उनले आजदेखि सुरु भएको केन्द्रीय समितिको बैठकले सरकारमा सहभागिताबारे ठोस निर्णय गर्ने बताए ।
उनले, संगठन सुदृढिकरण अभियानलाई थप प्रभावकारी बनाउने विषयमा व्यापक छलफल हुने पनि जानकारी दिए ।
मुख्य एजेण्डा भनेको संगठन सुदृढिकरण अभियान चल्दै छ, त्यसलाई अझै कसरी प्रभावकारी बनाउने विषयमा नै केन्द्रीत रहेको छ । विभिन्न समितिहरुमा मनोनीत गर्नुपर्ने नामहरु टुङ्ग्याउन र विभिन्न विभागहरु गठन गर्नको लागि यो बैठक राखिएको हो । सरकारमा सहभागीताको विषयमा पनि ठोस छलफल हुनेछ, उनले भने ।
सो पार्टीको बैठक आजदेखि काठमाडौंमा सुरु भएको छ ।
