क्रोएसियाले रच्यो इतिहास, इंग्ल्यान्डलार्इ २-१ गोलले पराजित गर्दै पहिलोपटक फाइनलमा
असार २८, २०७५ । रसियामा जारी विश्वकप फुटबलमा इंग्ल्याण्डलार्इ पराजित गर्दै क्रोएशिया पहिलोपटक विश्वकपको फाइनलमा प्रवेश गरेको छ । बुधबार राति भएको दोस्रो सेमिफाइनलमा इंग्ल्यान्डलाई अतिरिक्त समयमा २ – १ ले हराउदै क्रोएसिया फाइनलमा पुगेको हो ।
दोस्रो सेमिफाइनल खेलको निर्धारित समयमा १-१ को बराबरीमा रोकिएको थियो । क्रोएशियाका मारियो मान्डजुकिकले ६ यार्ड नजिकैबाट अतिरिक्त समयमा गोल गर्दै क्रोएशियाका लागि निर्णायक गोल गरेका हुन् ।
त्यसअघि खेलको पाँचौं मिनेटमा किरन ट्रिपरले फ्रिकिक मार्फत गोल गर्दै इंग्ल्याण्डलार्इ सुरुवाती अग्रता दिलाएका थिए । पहिलो हाफमा इंग्ल्याण्डले १-० को अग्रता बनाए पनि ६८ अौँ मिनेटमा इभान पेरिसिकले क्रोएशियाबाट बराबरी गोल फर्काए ।
योसँगै फाइनलमा क्रोएसियाले आइतबार उपाधिका लागि फ्रान्सको सामना गर्नेछ भनेछ पराजित इंग्ल्याण्डले अब तेस्रो स्थानका लागि बेल्जियमसँग खेल्नेछ । यो खबर आजको नयाँ पत्रिकामा छ ।
