विश्वकर्मा पुजा मनाईयो
असोज १, २०८० । आज आश्विन सङ्क्रान्तिका दिन विश्वकर्मा पुजा मनाईएको छ ।
हरेक वर्ष असोज १ गते मनाईने यो पर्वको अवसरमा आज घर तथा कार्यालय तथा सवारी ग्यारेजमा आफ्ना सवारीसाधन, कलकारखानामा प्रयोग गरिने धातुजन्य उपकरण, औजार आदिको पूजा गरी विश्वकर्मा पूजा मनाइएको हो ।
विवाह, यज्ञ, गृहप्रवेश आदि कार्यमा पनि विश्वकर्माको पूजाआराधना गर्ने प्रचलन छ । वास्तुशास्त्री, इञ्जिनीयर, कालीगढहरु आदिले यो दिवस हर्सोल्लासपूर्वक मनाउने चलन छ ।
