मुख्यमन्त्री कार्कीले गरे श्रमदान
माघ १९, २०८० । कोशी प्रदेशका मुख्यमन्त्री केदार कार्कीले विराटनगर–१६ दरैयाका सुकुम्वासी तथा असहाय परिवारको घर निर्माणमा शुक्रबार श्रमदान गरेका छन् ।
विपन्न र सुकुम्बासी परिवारका लागि उनले जस्ताको छानासहितको घर निर्माणका लागि श्रमदान गरेका हुन् ।
घर निर्माणले विपन्न स्थानीय बासिन्दा खुसी भएका छन् । स्थानीय शिव राईले आर्थिक अभावमा तीनजना छोराछोरी र दम्पति गरी परिवारका पाँचजना सदस्यसानो झुपडीमा बस्नु पर्ने बाध्यताको अन्त्य भएको बताए ।
घर निर्माण सामग्री जीवन विकास समाज कटहरीले र घरमा ओछ्याउन म्याट्रेस, त्रिपाल, कम्बललगायत लुगा, भाडावर्तन, खाद्यान्न मुख्यमन्त्री कार्कीले उपलब्ध गराएका हुन् ।
मुख्यमन्त्री कार्कीले प्रदेश सरकार गरिब, दलित, सुकुम्वासीको समेत भएकोले सरकार साथमा रहेको उल्लेख गर्दै उनीहरुका लागि घर निर्माणमा श्रमदान गरेको बताए ।
‘विपन्नलाई सरकारको अनुभूति गराउनुका साथै निर्वाचनको बेलामा गरेको वाचा पूरा गर्नसमेत श्रमदान गरेको हँु,’ उनले भने, ‘गरिबका दुःख समाजका सबैले बुझेर एकअर्कालाई सहयोग गर्नु सबैको कर्तव्य हो ।’
