विवाह पञ्चमीमा विशेष सुरक्षा, ड्रोनबाट भीड निगरानी

Sharing is caring!

मंसिर २४, २०७५ ।  विवाह पञ्चमीका लागि बुधबार जनकपुरमा विशेष सुरक्षा अपनाइने भएको छ । भारत, उत्तर प्रदेशका मुख्यमन्त्री योगी आदित्यनाथ जन्ती बनेर आउने कार्यक्रम रहेकाले सुरक्षा निकाय चनाखो बनेका छन् ।

आगामी बुधबार हुने राम–जानकी विवाह महोत्सवमा भीड व्यवस्थापनलाई प्रमुख चुनौती मान्दै तीन तहको सुरक्षा प्रबन्ध मिलाइएको छ । सेनालाई स्ट्यान्डवाई राखिने भएको छ । दर्शनार्थीको भीडमा सादा पोसाकका सुरक्षाकर्मी परिचालन गर्ने निर्णय जिल्ला सुरक्षा समितिले गरेको छ ।

समितिको आइतबार बसेको बैठकले जानकी मन्दिर र रंगभूमि मैदानमा प्रवेश गर्ने सबैलाई मेटल डिटेक्टर गेटबाट मात्र पठाउने निर्णय गरेको छ । यी दुवै स्थानमा दर्शनार्थीको ठूलो भीड हुन्छ । आदित्यनाथ जानकी मन्दिर र रंगभूमि मैदान पुग्दा भीड व्यवस्थापन प्रमुख चुनौती हुने आकलन सुरक्षा निकायले गरेका छन् ।