मुलुकमा राजनीतिक शक्तिको आडमा हस्तक्षेप भइरहेको छ : सांसद खान
साउन १०, २०८० । जनमत पार्टीका सांसद अव्दुल खानले मुलुकमा राजनीतिक शक्तिको आडमा हरेक क्षेत्रमा चरम हस्तक्षेप भइरहेको बताएका छन् । बुधबार संसद बैठकमा बोल्दै सांसद खानले हरेक क्षेत्रमा हस्तक्षेप हुँदा देशले गति लिन नसकेको बताए ।
उनले भने ‘ एउटा शव ल्याउन नसक्ने सरकारले रेमिट्यान्सबाट देश चलाई रहेको छ। हाम्रो देशमा इन्जिनियरहरु कुटिन्छन् । कतै नार्क र नास्टबाट काम गर्ने विद्ववानलाई अपमान गरेर ४० नम्बरमा पर्ने लाई नबर १ को प्रमुख बनाउने गरिन्छ, राजनीतिक शक्तिको आडमा यस्तो चरम दुरुपयोग भईरकेको छ । ’ उनले देशले गति लिन नसके र यसमा सरकार गम्भीर हुनु पर्ने बताए ।
ईञ्जिनियर दिवसको अवसरमा मधेश प्रदेशका इञ्जिनिरहरुले ज्ञापन बुझाउन जाँदा प्रहरी प्रशासनद्धारा कुटपिट हुनु राज्यको नै उपहास भएको पनि उनको भनाइ छ ।
