भारतमा रहेका नेपाली नागरिकहरुलाई नेपाल फर्किन बीसवटा नाका तोक्यो
जेठ १६, २०७७ । सरकारले भारतमा रहेका नेपाली नागरिकहरुलाई स्थलमार्ग हुँदै नेपाल फर्किनका लागि आधिकारिक रुपमा बीसवटा नाका तोकेको छ ।
शुक्रबार बसेको कोरोना रोकथाम तथा नियन्त्रण उच्चस्तरीय समन्वय समितिले नेपाल फर्किन आफ्नो नागरिकलाई स्वदेश फर्काउने निर्णय गरेको हो ।
प्रधानमन्त्री कार्यालयका सचिव नारायण बिडारीका अनुसार पशुपतिनगर, काँकडभित्ता, रानी, सुनौली, ठाडी, माडर, मलंगवा, गौर, विरगञ्ज र महेशपुर नाका तोकेको छ । यसैगरी बेहलिया, तौलिहवा, कृष्णनगर, जमुनाह, गौरिफण्टा, गड्डाचौकी, झुलाघाँट र दार्चुलाका नाकाहरु तोकेको छ ।
यसअघि नै मन्त्रिपरिषद बैठकले विदेशमा अलपत्र परेका नेपाली नागरिकहरुलाई स्वदेश ल्याउने निर्णय गरिसकेको छ ।