नयाँ समिकरण गरेर झुक्काउने काम भयो : प्रमुख सचेतक पाण्डे

Share this news:


असार २६, २०८१ । प्रधानमन्त्री पुष्पकमल दाहालले पछिल्लो राजनीतिक घटनाक्रमबारे ब्रिफिङ गर्दै एमालेका अध्यक्ष केपी ओलीले ढाँट छल गरेर नयाँ समिरकरण बनाएको बताएका छन् ।

आज सिंहदरबारमा बसेको पार्टीको संसदीय दलको बैठकमा प्रधानमन्त्रीले दस्तखत भइसक्दा पनि केही भएको छैन् जस्तो देखाएर नयाँ समिकरण गरेर झुक्काउने काम भएको जानकारी गराएको प्रमुख सचेतक हितराज पाण्डेले जानकारी दिए ।

उनले भने, ‘१७ गते प्रधानमन्त्री र ओलीबीच झण्डै ३ घण्टा कुराकानी भएको र त्यहाँ सकारात्मक ढंगले नै सरकारको काम अघि बढाउने कुरा भएको र बाहिर मिडियामा आएका समाचार झूटा हुन् भनेपछि १७ गते राति १२ बजे दस्तखत गरिसकेपछि पनि ओलीले बिहान प्रधानमन्त्रीसँग भेटेर केही भएको छैन् भने, ३ जना नेता नै बसेर कुरा गर्ने भनेको र केपी जी ३ जना बसौं भन्दै हुनुहुन्छ के हो भनेर सोधेपछि शेरबहादुर देउवाले हैन दस्तखत भइसक्यो अब सक्योे सरी भनेपछि बल्ल बाहिर आयो यस्तो ढाँट छल भयो भनेर दललाई प्रधानमन्त्रीले जानकारी गराउँनुभयो ।’

त्यस्तै, बैठकले संविधानको व्यवस्था अनुसार विश्वासको मत फेस गर्ने र त्यसका लागि सांसदहरूलाई ह्वीप जारी गर्र्नेे निर्णय गरेको पनि उनले जानकारी दिए ।

Leave a Reply

Your email address will not be published. Required fields are marked *