सलह किरा नेपाल प्रवेश गर्यो
असार १३, २०७७ । सलह किरा नेपाल प्रवेश गरेको छ । सलह किरा जस्तै देखिने किरा तराई मधेसका केही जिल्लामा भेटिएपछि कृषि तथा पशुपंक्षी विकास मन्त्रालयले प्राविधिक टोली खटाएर अध्ययन शुरु गरेको छ । यो किरा कृषि तथा बोट विरुवाका लागि निकै घातक मानिएको छ ।
आज बिहान करिब ७–८ बजे तिर तराई मधेसमा सलह किरा देखिएको अनुमान गरिएको छ ।
कृषि तथा पशुपंक्षी विकास मन्त्रालय अन्तर्गतको प्लाण्ट क्वारेन्टाइन तथा विषादी व्यवस्थापन केन्द्रका प्रमुख सहदेव हुमागाईका अनुसार सलह किरा भैरहवा, पर्साको पर्सागढी गाउँपालिका, बाराको डुमरवाना र सर्लाहीको नवलपुरमा देखापरेको छ ।
सलह किरा अफ्रिकी मुलुकमा ठूलो संकटका रुपमा लिइएको र मित्र रास्ट्र भारत तथा पाकिस्तानमा पनि यो वर्ष देखा परेकाले नेपालमा पनि यो किराको प्रवेश हुने अनुमान गरी नेपालमा रोकथाम कार्यदल गठन गरिएको थियो ।
