श्रम स्वीकृति शनिबार पनि हुने
कात्तिक १७, २०७५ । श्रम स्वीकृतिका लागि वैदेशिक रोजगार विभागले शनिबार पनि कार्यालय खुल्ने भएको छ ।
विभागले वैदेशिक रोजगारीमा जानेको संख्या बढेकोले सार्वजनिक बिदामा पनि श्रम स्वीकृति जारी गर्न लागेको हो ।
शनिबार बिहान १० देखि अपराह्न ३ बजेसम्म ताहचलस्थित वैदेशिक रोजगार कार्यालयबाट सेवाग्राहीलाई श्रम स्वीकृति प्रदान गरिने विभागले जनाएको छ ।
उक्त कार्यालयले विभिन्न देशमा रोजगारी गर्न जानेको लागि श्रम स्वीकृति दिदै आएको छ ।