लकडाउन जेठ ३२ सम्म
जेठ १७, २०७७ । लकडाउन जेठ ३२ गतेसम्म गर्ने मन्त्रिपरिषद्ले निर्णय गरेको छ ।
आज (शनिबार) प्रधानमन्त्री निवास बालुवाटारमा बसेको मन्त्रिपरिषद् बैठकले लकडाउन जेठ ३२ गतेसम्म लम्ब्याउने निर्णय गरेको सरकारका प्रवक्ता एवं अर्थ, सूचना तथा संचार प्रविधि मन्त्री युवराज खतिवडाले बताए ।
मन्त्री खतिवडाका अनुसार सरकारले विमानस्थल असार १६ गतेसम्म बन्द गर्ने निर्णय सरकारले गरेको छ ।
कोभिड-१९ रोकथाम तथा नियन्त्रण उच्च स्तरीय समितिले लकडाउन बढाउन सिफारिस गरे अनुसार सरकारले जेठ ३२ गतेसम्म लकडाउन थप गरेको हो ।
सरकारले पहिलो पटक चैत ११ गतेदेखि १८ गतेसम्म लकडाउन गरेको थियो ।
