नेपालमा कोरोना संक्रमितको संख्या १०९ पुग्यो
बैशाख २७, २०७७ । स्वास्थ्य तथा जनसंख्या मन्त्रालयका अनुसार राष्ट्रिय जनस्वास्थ्य प्रयोगशाला टेकु र कोशी अस्पताल विराटनगरको प्रयोगशालामा गरिएको परीक्षणमा थप ७ जनामा कोरोना भाइरस संक्रमण पुष्टि भएसंगै नेपालमा संक्रमितको संख्या १०९ पुगेको छ ।
मन्त्रालयका अनुसार संक्रमितहरुमा कपिलबस्तुका १७, १८ र १८ वर्षका पुरुष र उदयपुरको भुल्केका १८, ४५ र ६५ वर्षीय महिला रहेका छन् ।
त्यस्तै, पर्सा जिल्ला छपकैयाका ६२ वर्षीय पुरुष्मा पनि कोरोना संक्रमण पुष्टि भएको छ । उनीहरुको सबैको स्वास्थ्य अवस्था सामान्य रहेको मन्त्रालयले जनाएको छ ।
