कोभिड बिरुद्ध सचेतना र आत्मबल बढाउन धर्मिक अगुवाहरु जुट्ने
जेठ १२, २०७८ । लुम्बिनी विश्वबिद्यालयका पुर्व उपकुलपती डा. नरेशमान बज्राचार्य लगायतका धार्मिक अगुवाहरुले कोभिड १९ लाई जित्नको लागि सचेतना र आम नागरिकलाई आत्मबल बिकास गर्नुका साथै बालबालिकालाई उत्प्रेरणा दिने कार्यक्रम सुरु गर्ने प्रतिवद्धता व्यक्त गरेका छन् । कोभिडले बाल मनोविज्ञानमा पारेको प्रभाव न्यूनिकरणका लागि धार्मिक गुरु तथा धार्मिक अगुवाहरूको भूमिका विषयक छलफल कार्यक्रम बिभिन्न धर्मका अगुवाहरुले आम समुदायलाई आशा र उत्प्रेरणा जगाउने कार्यक्रम गर्ने प्रतिवद्धता व्यक्त व्यक्त गरेका हुन् ।
लुम्बिनी विश्वबिद्यालयका पुर्व उपकुलपती डा. नरेशमान बज्राचार्यले कोभिडका समयमा मेला तथा जात्रा, विवाह लगायत सबै कर्मकाण्ड रोक्नको लागि धर्मगुरुहरुले नै भुमिका खेल्नु पर्ने बताउनु भयो । उहाँले आफुले मच्छेन्द्र नाथको जात्रालाई छोट्याउनको लागि भूमिका खेलेको बताउदै सबै धर्म गुरुहरुले मान्छे जम्मा हुने कुनै कर्मकाण्ड नगराउन आग्रह गर्नु भयो ।
बुद्ध जयन्ती, उभौली, गोरख जयन्ती र चण्डी पुर्णीमाका अवसरमा सबै धर्मका अगुवाहरुलाई एकै ठाउमा राखेर धार्मिक सद्भाव बृद्धि गर्ने र कोभिडका बिरुद्ध लड्ने उत्प्रेरणा बृद्धी गर्ने उद्देश्यले कार्यक्रम गरिएको हो । वल्डभिजन इन्टरनेशनल नेपाल, निरन नेपाल, अकोराब र सीआईएनको सहकार्यमा भरच्युल माध्यमबाट भएको कार्यक्रममा बिभिन्न धर्मका धार्मिक गुरु तथा अगुवाहरू, बालबालिका र बालबालिकाको क्षेत्रमा काम गर्ने संघसंस्थाका सय जना भन्दा बढि प्रतिनिधिको सहभागिता रहेको थियो ।
हिन्दु बिद्यापिठका संस्थापक चिन्तामणी योगीले कोभिड १९ का कारण बिद्यालय बन्द भएकाले अबिभावकहरुले बालबालिकालाई घरमा दैनिक तालिका बनाएर व्यवहारिक ज्ञान सिकाई व्यस्त बनाउनु पर्ने बताउनु भयो । उहाँले अहिलेको जस्तो अवस्था सधै नरहने भन्दै आशा जगाउने कार्यक्रम गर्न आफु तयार रहेको बताउनुभयो ।
मनोपरामर्शकर्ता गोपाल ढकालले बाल मानोबिज्ञानमा त्रास फैलिएको र विद्यालय बन्द हुँदा अन्योलता बढेकाले उनीहरुका लागि आध्यात्मिक ज्ञान र उत्प्रेरणा दिने शिक्षा घरमै दिनु पर्ने बताए । चिन्तामा रहेका बालबालिकालाई परामर्श दिने जीवन जगतको चक्रलाई बुझाउने काम परिवारका जेष्ठ सदश्य र धर्मगुरुहरुबाट गराउनु पर्ने मा जोड दिनु भयो ।
कार्यक्रममा स्लाम धर्मका अगुवा इरफान पोखरेलले कोभिडको समयमा आफ्नो समुदायमा हुने वालविवाह रोक्नको लागि आफुहरु सजक रहेको बताए ।
क्रिस्चीयन क्याथोलिक समुदायका अगुवा जस निरौलाले कोभिडको अहिलेको त्रासादिपूर्ण समयमा बालबालिका मात्रै होइन पौढहरुलाई पनि आफ्नो आफ्नो धर्मका अगुवाहरुले उत्साह र आत्मवल बढाउनको लागि भूमिका खेल्न सक्ने बताउनुभयो । थानकोटका बिद्यार्थी सोभा पराजुलीले बालिका र महिला माथि हुने हिंसा रोक्न धर्मगुरुहरुलाई आग्रह गर्नुभयो ।
त्यस्तै, किरात धर्मका गुरु तिर्थ राईले यस्तो बेलामा अबिभाबकले आफ्नो बालबालिकालाई प्रकृति चिन्न सघाउनु पर्ने भन्दै उभौलीको शुभकामना दिनुभयो । बालबालिकाहरुका लागि यो बेलामा उत्पे्ररणामुलक कार्यक्रम सीआईएन मार्फत गर्न निरनका अध्यक्ष हर्स थापा, चिन्तामणी योगी, भिक्षु पीया दासी लगायत आग्रह गर्नुभयो । सबै धर्मका चाडपर्वका अवसरमा सबै धर्मका गुरुहरुलाई एकै ठाउमा राखेर सद्भाव बृद्धि र परिवर्तनका लागि संकल्प गराउने काम विगत वर्षदेखी सीआईएनले गर्दै आएको र आगामि दिनमा अझै धर्मगुरु र बालबालिकालाई जोड्ने कार्यक्रम सीआईएनले गर्ने सीआईएनका प्रवन्धक दीपक आचार्यले बताउनु भयो । इसाई धर्मका अगुवा इसुजंग कार्कीले कोभिडको समयमा बाहिर घुम्नु भन्दा पनि धार्मिक पुस्तकहरु पढ्ने गर्नाले अबिभाबकका साथै छोराछोरीको पनि पढ्ने बानिको बिकास हुने बताउदै त्यता तर्फ ध्यान दिन सबै अबिभाबकलाई आग्रह गर्नुभयो ।
कर्मकाण्ड महासंघका उपाध्यक्ष रामचन्द्र भण्डारीले महासंघले अब सबै प्रकारका धार्मिक कार्य रोक्न र मठमन्दीरबाट फैलने संक्रमण रोक्न काम गर्ने प्रतिवद्धता जनाए । उहाँले बन्दाबन्दीको बेलामा विगतमा जस्तै यस पटक पनि बालविवाह हुन नदिन सबै धर्मगुरुलाई त्यस्तो कार्यमा सहभागि नहुन आग्रह गर्नुभयो । असोधाराका आचार्य डा. नम्रता पाण्डेले यस्तो समयमा बालबालिकालाई कलाकारिता र सकारात्मक कुराहरु मात्रै सिकाउनु पर्ने बताउनु भयो ।